Эҳдои лавҳи нуқраи "YouTube" ба масъулони Ҷоизаи байналмилалии Қуръони Дубай
Ба гузориши "ИКНА" ба нақл аз "Ammonnews", Иброҳим Муҳаммад Бумалҳа, раиси кумитаи баргузории мусобиқоти байналмилалии Қуръони Ҷоизаи Дубай дар ин бора гуфт: дарёфти ин лавҳи нуқраӣ нишондиҳандаи талошҳои масъулони ин Ҷоиза барои тақвияти мӯҳтаво ва таомул бо мухотабон ба шакли фаъолона аст ва ҷойгоҳи Ҷоизаи байналмилалии Қуръони Дубайро ба унвони яке аз шохистарин платформҳои электроникӣ дар заминаи мусобиқоти Қуръон тақвият мекунад.
Вай афзуд: ҳамчунин касби ин ҷоиза дар ҷазби теъдоди бештаре аз корбарон ва бинандагони канали Ютуби Ҷоизаи Қуръони Дубай ва шабакаҳои иҷтимоӣ вобаста ба ҷоиза таъсиргузор аст.
Аҳмад ал-Зоҳид, узви кумитаи баргузории мусобиқот низ гуфт: касби ин ҷоиза як дастовард аст ва бар ҷойгоҳ ва шӯҳрати ҷаҳонии ин мусобиқот сиҳҳа мегузорад.
Вай афзуд: канали Ютуби Ҷоизаи байналмилалии Қуръони Дубай аз мӯҳтавои Қуръони шохис ва кайфияти олӣ бархурдор аст ва фаъолиятҳои мухталифи худро бо пахши мустақим пӯшиш медиҳад.
Аҳмад ал-Зоҳид, тасреҳ кард: ҳамин амр сабаб шудааст, ки ин шабака бо иқболи густурдаи мардумӣ мувоҷеҳ шуда ва теъдоди мухотабони канал ахиран ба беш аз 870 ҳазор нафар (Subscriber) расидааст.
Гуфтнӣ аст, Ютуб лавҳҳое ба афрод эъто мекунад, ки ҷоизаи бисёр арзишманде барои Ютубиҳо ба шумор меравад, ин лавҳҳо дорои сатҳ ва арзиши мутафовите ҳастанд ва ҳар кадом дар сурати расидан ба шароите, даст ёфтанӣ мешаванд.
Шароите, ки мунҷар ба дарёфти лавҳи нуқраӣ Ютуб мешавад, ин аст, ки бояд Subscriber канали шумо аз 100 ҳазор нафар болотар равад ва дар ин ҳангом аст, ки метавонед барои дарёфти Ҷоизаи лавҳи Ютуби нуқраӣ ба канали иҷтимоӣ Ютуб дархост диҳед.
